Heimilisiðnaðarfélag Íslands

Heimilisiðnaðarfélag Íslands var stofnað 12. júlí 1913. Hlutverk þess er að vernda þjóðlegan íslenskan heimilisiðnað, auka hann og efla, stuðla að vöndun hans og fegurð og vekja áhuga almennings á því að  framleiða fallega og nytsama hluti sem hæfa kröfum nýs tíma með rætur í þjóðlegum menningararfi. Námskeiðahald er hornsteinn í starfi félagsins og hefur félagið staðaið fyrir handverksnámskeiðum allt frá stofnun þess. Heimilisiðnaðarfélagið vinnur að varðveislu verkþekkingar á fornu handverki og fer sú varðveisla fram að mestu leiti í gegnum námskeiðahald. 

Heimilisiðnaðarfélagið er staðsett í Nethyl 2e. Þar er skrifstofa félagsins, verslun þess og Heimilisiðnaðarskólinn.