Heimilisiðnaðarfélag Íslands

Heimilisiðnaðarfélag Íslands var stofnað 12. júlí 1913. Félagið vinnur að því að viðhalda þjóðlegum íslenskum heimilisiðnaði, auka hann og efla og stuðla að vöndun hans og fegurð. Einnig að vekja áhuga landsmanna á því að framleiða fallega og nytsama hluti, er hæfa kröfum nýs tíma en hafa rót sína í hinum gamla og þjóðlega menningararfi.

Félagið rekur verslun að Nethyl 2e í Reykjavík og á sama stað eru námskeið félagsins haldin. Einnig gefur félagið út ársritið Hug og hönd sem flytur fréttir úr starfinu og kynnir ýmis konar heimilisiðnað auk annars fróðleiks.

Sjónabók er handrit með munstrum sem notuð voru í útsaumi, vefnaði og til ýmissa hannyrða áður fyrr. Heimilisiðnaðarfélag Íslands í samvinnu við Þjóðminjasafn Íslands og hönnunar- og arkitektúrdeild Listaháskóla Íslands gáfu út Íslenska sjónabók vorið 2009.

Þar má finna íslensk munstur sem varðveitt eru í 10 handritum á Þjóðminjasafninu og Þjóðminjasafni Dana og eru hér í einni bók sem telur um 700 blaðsíður.
Bókinni fylgir geisladiskur með öllum munstrunum sem hægt er að prenta út að vild. Allt til frjálsrar notkunar.  Bókin fæst í verslun okkar. Verð kr. 15.600.
Sendum út á land að viðbættum póstkröfukostnaði. Netfangið okkar er This e-mail address is being protected from spambots. You need JavaScript enabled to view it