Verslun

Í verslun / þjónustudeild eru seldar vörur til þjóðbúningagerðar, áhöld og efni í vefnað og í íslenskan útsaum. Lesa meira.

Námskeið

Heimilisiðnaðarfélagið býður upp á fjölda námskeiða á hverju ári. Smelltu hér til að kynna þér úrval námskeiða okkar.

Útgáfa

Sjónabók er handrit með munstrum sem notuð voru í útsaumi, vefnaði og til ýmissa hannyrða áður fyrr. Lesa meira.

Fréttir

Prjónakaffi fimmtudaginn 5. september

logoÞað er alltaf tilhlökkunarefni þegar prjónakaffi HFÍ fer aftur af stað eftir sumarfrí. Fimmtudaginn 5. september er fyrsta prjónakaffi haustsins en venju samkvæmt eru námskeið Heimilsiðnaðarskólans kynnt fyrsta prjónakvöld haustsins. Kennarar og sýnishorn eru á staðnum og gefst því gott tækifæri til að kynna sér það fjölbreytta handverk sem læra má við skólann. Húsið opnar kl. 19 en kynningin hefst kl. 20 - ljúffengar kaffiveitingar á vægu verði - allir velkomnir!

Lokað í verslun og skrifstofu 7.-9. ágúst

hrafnagilHeimilisiðnaðarfélagið tekur þátt í Handverkshátíðinni á Hrafnagili og þess vegna er lokað í verslun okkar í Nethyl 2e dagana 6.- 9. ágúst miðvikudag - fimmtudag - föstudag.

Verið velkomin á Hrafnagil - sjá hér.

Opnum aftur mánudaginn 12. ágúst kl. 12. Biðjumst velvirðingar á þeim óþægindum sem þetta kanna að valda.

Sumaropnun: Í ágústmánuði er verslun HFÍ opin kl. 12-17 mánudaga til fimmtudaga og kl. 12-16 á föstudögum. 

 

 

Barnanámskeið sumarið 2019

barnanamskeidAð venju verður boðið upp á handverksnámskeið fyrir 8 - 12 ára börn í sumar. Það jafnast fátt á við að skapa fallega hluti með eigin höndum í góðum félagsskap og notalegu umhverfi. Námskeiðið fer fram í Nethyl 2e og á Árbæjarsafni (námskeiðið hefst og endar alltaf í Nethyl). Verkefnin eru fjölbreytt og spennandi við allra hæfi. Má þar nefna tálgun, origami, bláþrykk, pappírs- og textílvinnu. Leiðbeinendur á námskeiðinu eru kennarar og handverksfólk sem vant er að vinna með börnum.

Haldin verða tvö námskeið, 6.-9. ágúst (4 dagar) og 12.-16. ágúst (5 dagar) kl. 9-16 í húsnæði HFÍ í Nethyl 2e og á Árbæjarsafni.

Námskeiðsgjald fyrri vikuna er 28.900 kr. (26.000 kr. fyrir félagsmenn) - en þá seinni 36.200 kr. (32.600 kr. fyrir félagsmenn).  ATHUGIÐ - 10% systkinaafsláttur og 20% afsláttur til þeirra sem taka þátt báðar vikurnar. Verð 52.100 kr. fyrir 9 daga námskeið fyrir félagsmenn (í stað 65.200 kr).

Skráning í síma 551 5500 eða á netfangið This email address is being protected from spambots. You need JavaScript enabled to view it.

Þjóðbúningadagur í Safnahúsinu

Netid buningana i brukSunnudaginn 10. mars er boðið upp á þjóðbúningaskoðun kl. 11-13 og Þjóðbúningadag kl. 14-16 í Safnahúsinu við Hverfisgötu.

Víða leynast í skápum, kössum og koffortum þjóðbúningar og búningahlutar svo sem peysuföt, upphlutir, svuntur, slifsi, skotthúfur, skúfar, hólkar og annað búningasilfur. Heimilisiðnaðarfélagið hvetur til þess að gersemarnar séu dregnar fram í dagsljósið og teknar í brúk. 

Sunnudaginn 10. mars kl. 11 - 13 býður Heimilisiðnaðarfélag Íslands í samvinnu við Þjóðminjasafnið almenningi að koma með þjóðbúninga og búningahluta til skoðunar og mátunar í Safnahúsið við Hverfisgötu. Sérfræðingar á staðnum til ráðgjafar og ráðlegginga gestum að kostnaðarlausu. Á staðnum er aðstaða til að máta. Þetta er kjörið tækifæri fyrir framhaldsskólanema, sem taka þátt í peysufatadögum í Verzló eða Kvennó til fá aðstoð við að skoða og máta þá þjóðbúninga sem þeir hyggjast klæðast.  

Í tilefni af 100 ára afmæli fullveldisins stóð Heimilsiðnaðarfélagið á síðastliðnu ári fyrir vel heppnuðu átaki undir yfirskriftinni ÚT ÚR SKÁPNUM – ÞJÓÐBÚNINGANA Í BRÚK! Markmiðið er að vekja athygli á þeim menningarverðmætum sem felast í gömlum þjóðbúningum og búningaskarti og hvetja til þess að búningar séu dregnir fram í dagsljósið og í notkun. Skemmst er frá því að segja að átakið hlaut afar góðar viðtökur, fjöldi manns nýtti tækifærið og kom í húsnæði HFÍ til að fá ráðleggingar auk þess sem viðburðurinn var haldin með sama sniði, og undir sömu yfirkskrift í Minjasafninu á Akureyri og Norska húsinu í Stykkishólmi. Hugmyndin að viðburðinum kviknaði út frá vinsælum dagskrárlið Þjóðminjsafnsins Áttu forngrip í fórum þínum? Þar sem almenningi gefst kostur á að bera gamla muni undir sérfræðinga safnsins. 

safnahusidSíðar sama dag, kl. 14-16 er árlegur ÞJÓÐBÚNINGADAGUR í Safnahúsinu. Þá er almenningur hvattur til að draga fram þjóðbúninga af öllu tagi, klæðast þeim og koma og sýna sig og sjá aðra. Þetta á ekki síður við um fólk af erlendum upprunna sem hvatt er til þess að mæta í sínum þjóðbúningum. Rakin verður í stuttu erindi einstök saga af þjóðbúningum sem komist hafa út úr skápnum en við sögu koma meðal annars pappakassar og biskupsfrú. Boðið verður upp á leiðsögn um sýningu húsins auk þess sem félagar í Þjóðdansafélagi Reykjavíkur stíga nokkur spor og draga jafnvel gesti með sér í dansinn!

Dagskrá:

kl . 11 - 13 ÚT ÚR SKÁPNUM - BÚNINGANA Í BRÚK! Sérfræðingar á staðnum til ráðgjafar.

kl. 14 – 16 Þjóðbúninga dagur - Prúðbúnir gestir velkomnir í Safnahúsið. Aðgangur ókeypis fyrir þá sem mæta á búningi.

kl. 14.00 – Margrét Valdimarsdóttir formaður Heimilisiðnaðarfélagsins segir í máli og myndum frá góðu dæmi um þjóðbúninga sem komist hafa ÚT ÚR SKÁPNUM og í BRÚK! Við sögu koma m.a. pappakassar, ruslapokar og biskupsfrú.

kl. 14.15 - Guðrún Hildur Rosenkjær í Annríki segir frá rannsóknarverkefni og endurgerð á þremur prjónuðum peysum frá 19. öld. Peysurnar verða bornar af ungum stúlkum gestum til yndisauka.

kl. 14.30 - Þjóðdansafélag Reykjavík sýnir dans og draga jafnvel gesti með sér í dansinn!

kl. 15.00 - Leiðsögn um sýninguna Sjónarhorn – ferðalag um íslenskan myndheim.

Það er Heimilisiðnaðarfélag Íslands í samvinnu við Annríki - þjóðbúninga og skart, Þjóðdansafélag Reykjavíkur og Þjóðminjasafn Íslands sem boðar til samkomunar.

Heimilisfang

Heimilisiðnaðarfélagið

Nethyl 2e

110 Reykjavík

 

 

Hafðu samband

Sendu okkur tölvupóst á This email address is being protected from spambots. You need JavaScript enabled to view it.

Hringdu í síma 551 5500

Kíktu til okkar í Nethyl 2e