Fréttir

Einrúm á prjónakaffi

12009823 990513217694426 2984634295835088247 nFimmtudaginn 6. apríl er prjónakaffi Heimilisiðnaðarfélagsins. Þetta kvöld koma þær Kristín og Björg frá EINRÚM og kynna samnefnt garn. EINRÚM er blanda af íslenskri ull og Mulberry silki en þessi einstaka blanda gefur garninu sérstaka eiginleika. Einrúm er til í fjölmörgum litum (sjá hér) sem allir bera nöfn íslenskra steinda og bergtegunda eins og hrafntinna, silfurberg og olivín.

Þær stöllur kynna fyrir gestum söguna á bak við EINRÚM, segja frá garninu og uppskriftunum. VINSAMLEGAGST komið með prjóna nr. 3,5-4,5 því gestum býðst að prjóna prufur úr garninu á staðnum - ekki missa af því!

Prjónakaffi Heimilisiðnaðarfélagsins er haldið í húsnæði félagsins fyrsta fimmtudagskvöld í mánuði. Húsið opnar kl. 19 en kynningar hefjast kl. 20. Kaffi og ljúffengt meðlæti selt á staðnum á sanngjörnu verðu - allir hjartanlega velkomnir.