Verslun

Í verslun / þjónustudeild eru seldar vörur til þjóðbúningagerðar, áhöld og efni í vefnað og í íslenskan útsaum. Lesa meira.

Námskeið

Heimilisiðnaðarfélagið býður upp á fjölda námskeiða á hverju ári. Smelltu hér til að kynna þér úrval námskeiða okkar.

Útgáfa

Sjónabók er handrit með munstrum sem notuð voru í útsaumi, vefnaði og til ýmissa hannyrða áður fyrr. Lesa meira.

Fréttir

Barnanámskeið sumarið 2019

barnanamskeidAð venju verður boðið upp á handverksnámskeið fyrir 8 - 12 ára börn í sumar. Það jafnast fátt á við að skapa fallega hluti með eigin höndum í góðum félagsskap og notalegu umhverfi.

Haldin verða tvö námskeið, 6.-9. ágúst (4 dagar) og 12.-16. ágúst (5 dagar) kl. 9-16 í húsnæði HFÍ í Nethyl 2e og á Árbæjarsafni.

Námskeiðsgjald fyrri vikuna er 28.900 kr. (26.000 kr. fyrir félagsmenn) - en þá seinni 36.200 kr. (32.600 kr. fyrir félagsmenn).  ATHUGIÐ - 10% systkinaafsláttur og 20% afsláttur til þeirra sem taka þátt báðar vikurnar. Verð 52.100 kr. fyrir 9 daga námskeið fyrir félagsmenn (í stað 65.200 kr).

Skráning í síma 551 5500 eða á netfangið This email address is being protected from spambots. You need JavaScript enabled to view it.

Aðalfundur 15. maí

logo netid

AÐALFUNDUR Heimilsiðnaðarfélagsins verður haldinn í húsnæði félagsins í Nethyl 2e miðvikudaginn 15. maí 2019 kl. 18. Dagskrá hefðbundin aðalfundarstörf.

Minnum á að ársreikningar félagsins liggja frammi á skrifstofu 10 daga fyrir aðalfund fyrir þá sem vilja kynna sér þá.

Hvetjum félagsmenn eindregið til að mæta á aðalfund.

Þjóðbúningadagur í Safnahúsinu

Netid buningana i brukSunnudaginn 10. mars er boðið upp á þjóðbúningaskoðun kl. 11-13 og Þjóðbúningadag kl. 14-16 í Safnahúsinu við Hverfisgötu.

Víða leynast í skápum, kössum og koffortum þjóðbúningar og búningahlutar svo sem peysuföt, upphlutir, svuntur, slifsi, skotthúfur, skúfar, hólkar og annað búningasilfur. Heimilisiðnaðarfélagið hvetur til þess að gersemarnar séu dregnar fram í dagsljósið og teknar í brúk. 

Sunnudaginn 10. mars kl. 11 - 13 býður Heimilisiðnaðarfélag Íslands í samvinnu við Þjóðminjasafnið almenningi að koma með þjóðbúninga og búningahluta til skoðunar og mátunar í Safnahúsið við Hverfisgötu. Sérfræðingar á staðnum til ráðgjafar og ráðlegginga gestum að kostnaðarlausu. Á staðnum er aðstaða til að máta. Þetta er kjörið tækifæri fyrir framhaldsskólanema, sem taka þátt í peysufatadögum í Verzló eða Kvennó til fá aðstoð við að skoða og máta þá þjóðbúninga sem þeir hyggjast klæðast.  

Í tilefni af 100 ára afmæli fullveldisins stóð Heimilsiðnaðarfélagið á síðastliðnu ári fyrir vel heppnuðu átaki undir yfirskriftinni ÚT ÚR SKÁPNUM – ÞJÓÐBÚNINGANA Í BRÚK! Markmiðið er að vekja athygli á þeim menningarverðmætum sem felast í gömlum þjóðbúningum og búningaskarti og hvetja til þess að búningar séu dregnir fram í dagsljósið og í notkun. Skemmst er frá því að segja að átakið hlaut afar góðar viðtökur, fjöldi manns nýtti tækifærið og kom í húsnæði HFÍ til að fá ráðleggingar auk þess sem viðburðurinn var haldin með sama sniði, og undir sömu yfirkskrift í Minjasafninu á Akureyri og Norska húsinu í Stykkishólmi. Hugmyndin að viðburðinum kviknaði út frá vinsælum dagskrárlið Þjóðminjsafnsins Áttu forngrip í fórum þínum? Þar sem almenningi gefst kostur á að bera gamla muni undir sérfræðinga safnsins. 

safnahusidSíðar sama dag, kl. 14-16 er árlegur ÞJÓÐBÚNINGADAGUR í Safnahúsinu. Þá er almenningur hvattur til að draga fram þjóðbúninga af öllu tagi, klæðast þeim og koma og sýna sig og sjá aðra. Þetta á ekki síður við um fólk af erlendum upprunna sem hvatt er til þess að mæta í sínum þjóðbúningum. Rakin verður í stuttu erindi einstök saga af þjóðbúningum sem komist hafa út úr skápnum en við sögu koma meðal annars pappakassar og biskupsfrú. Boðið verður upp á leiðsögn um sýningu húsins auk þess sem félagar í Þjóðdansafélagi Reykjavíkur stíga nokkur spor og draga jafnvel gesti með sér í dansinn!

Dagskrá:

kl . 11 - 13 ÚT ÚR SKÁPNUM - BÚNINGANA Í BRÚK! Sérfræðingar á staðnum til ráðgjafar.

kl. 14 – 16 Þjóðbúninga dagur - Prúðbúnir gestir velkomnir í Safnahúsið. Aðgangur ókeypis fyrir þá sem mæta á búningi.

kl. 14.00 – Margrét Valdimarsdóttir formaður Heimilisiðnaðarfélagsins segir í máli og myndum frá góðu dæmi um þjóðbúninga sem komist hafa ÚT ÚR SKÁPNUM og í BRÚK! Við sögu koma m.a. pappakassar, ruslapokar og biskupsfrú.

kl. 14.15 - Guðrún Hildur Rosenkjær í Annríki segir frá rannsóknarverkefni og endurgerð á þremur prjónuðum peysum frá 19. öld. Peysurnar verða bornar af ungum stúlkum gestum til yndisauka.

kl. 14.30 - Þjóðdansafélag Reykjavík sýnir dans og draga jafnvel gesti með sér í dansinn!

kl. 15.00 - Leiðsögn um sýninguna Sjónarhorn – ferðalag um íslenskan myndheim.

Það er Heimilisiðnaðarfélag Íslands í samvinnu við Annríki - þjóðbúninga og skart, Þjóðdansafélag Reykjavíkur og Þjóðminjasafn Íslands sem boðar til samkomunar.

Námskeið á vorönn 2019

prjonakaffi3Námskeiðsbæklingur Heimilisiðnaðarskólans fyrir vorið 2019 er komin út - bæklinginn má nálgast á pdf-formi hér.

Námskeiðsframboðið er fjölbreytt: Þjóðbúningasaumur, vefnaður, útsaumur, tóvinna, orkering, hrosshársfléttun, kríl, körfufléttun, vinnu úr mannshári, litun, sápurgerð og tálgun eru á meðal námskeiða.

Bæklingurinn verður sendur á prentuðu formi í pósti til félagsmanna á fyrstu dögum nýs árs. Námskeiðin verða kynnt á fyrsta prjónakaffinu á nýju ári fimmtudaginn 10. janúar kl. 20 í Nethyl 2e. Það kvöld verða kennarar og sýnishorn á staðnum.

Kynnið ykkur úrval námskeiða!

 

Heimilisfang

Heimilisiðnaðarfélagið

Nethyl 2e

110 Reykjavík

 

 

Hafðu samband

Sendu okkur tölvupóst á This email address is being protected from spambots. You need JavaScript enabled to view it.

Hringdu í síma 551 5500

Kíktu til okkar í Nethyl 2e